Վենսի այցը Պակիստան չեղարկվել է

ԱՄՆ փոխնախագահ Ջեյ Դի Վենսի այցը Իսլամաբադ, որտեղ նախատեսված էր Իրանի հետ բանակցությունների շարունակությունը, չեղարկվել է։

«Նյու Յորք Թայմս» պարբերականը, հղում անելով ամերիկացի պաշտոնյայի, տեղեկացնում է, որ ԱՄՆ փոխնախագահ Ջեյ Դի Վենսի այցը Պակիստանի մայրաքաղաք հետաձգվել է։ Ուղևորության նպատակը վաղը կայանալիք Իրանի հետ բանակցությունների շարունակությունն էր։

Որոշման պատճառ է հանդիսացել Թեհրանի հրաժարումը՝ արձագանքել Միացյալ Նահանգների առաջադրած պայմաններին։ Հրապարակման մեջ նշվում է. «Ուղևորությունը կարող է վերսկսվել ցանկացած պահի, եթե իրանցի բանակցողներն արձագանքեն այնպես, ինչը նախագահ Դոնալդ Թրամփը ընդունելի կհամարի»։

Նախապես հայտարարվել էր, որ երկու կողմերի բանակցային խմբերը Իսլամաբադ պետք է ժամանեին միաժամանակ։

Նախօրեին Դոնալդ Թրամփը հայտարարել էր, որ այսօր լրացող Թեհրանի հետ զինադադարի ժամանակավոր համաձայնագիրը հավանաբար չի երկարաձգվի։ ԱՄՆ նախագահը նաև շեշտել էր, որ եթե հրադադարը չերկարաձգվի, Վաշինգտոնը «բազմաթիվ ռումբեր կկիրառի Իրանի դեմ»։