HiPP մանկական սննդի մեջ առնետի թույն է հայտնաբերվել

Միանգամից երեք երկրներում HiPP մանկական սննդի մեջ առնետի թույն են հայտնաբերել։

Ավստրիայի ոստիկանությունը հայտնել է մանկական սննդի տարայի մեջ թունավոր նյութի հայտնաբերման մասին. խոսքը գազարով և կարտոֆիլով 190 գրամանոց փաթեթավորման մասին է: Դրանից հետո արտադրանքը հետ է կանչվել ավելի քան 1500 Spar սուպերմարկետներից:

Նմանատիպ տարաներ են ստուգվել Չեխիայում և Սլովակիայում. նախնական անալիզները նույնպես ցույց են տվել թույնի առկայություն:

HiPP-ը Reuters-ին հաստատել է թույնի հայտնաբերման փաստը: Ընկերությունում հայտարարել են, որ խոսքը կարող է լինել արտաքին հանցավոր միջամտության մասին, և որպես նախազգուշական միջոց արտադրանքը հանվել է վաճառքից:

Ոստիկանությունը զգուշացնում է՝ վտանգավոր տարաները կարելի է տարբերել վնասված կափարիչով, հատակին փակցված կարմիր շրջանակով սպիտակ պիտակով և պարունակության անսովոր հոտով: