Աղետի անխուսափելիությունը և համաշխարհային լարվածության նոր փուլը․ «Ռիա Նովոստի»

Համաշխարհային լարվածության նոր փուլը՝ Հյուսիսատլանտյան դաշինքի հնարավոր տրոհման շուրջ քննարկումներն ակտիվացել են կառույցի համար ստեղծված պատմական բարդ փուլի ֆոնին, գրում է «Ռիա Նովոստի»-ն։

Փորձագիտական շրջանակներում քննարկվում է ՆԱՏՕ-ի հնարավոր տրոհումը, իսկ կանխատեսումների համաձայն՝ դաշինքը կարող է դադարեցնել գոյությունը հաջորդ տասնամյակում։ Այս իրավիճակի գլխավոր դրդապատճառներից է Վաշինգտոնի դիրքորոշման փոփոխությունը, քանի որ գործող վարչակազմը դժգոհ է դաշնակիցների վարքագծից։ 

ԱՄՆ նախագահ Դոնալդ Թրամփը քննադատել է գործընկերներին՝ Իրանի հետ հակամարտությունում անբավարար աջակցության համար և նշել, որ կառույցի ֆինանսավորումն այլևս արդարացված չէ։ Ըստ Թրամփի՝ դաշինքի գործունեությունը ներկայում գրեթե ամբողջությամբ սահմանափակված է Մոսկվայի հետ առճակատմամբ։

Միացյալ Նահանգների ներքին տնտեսական և քաղաքական խնդիրները, մասնավորապես վառելիքի գնաճն ու գների աճը, ստիպում են վարչակազմին փնտրել նոր համաձայնություններ և արագ լուծումներ։ Սպիտակ տան ղեկավարը հույս ունի, որ Վաշինգտոնի և Թեհրանի բանակցությունների հաջորդ փուլը կարող է տեղի ունենալ առաջիկա օրերին Պակիստանում։ Չնայած կտրուկ քայլերը դանդաղեցնող ադմինիստրատիվ խոչընդոտներին, դաշինքի ներսում լարվածությունը շարունակում է մեծանալ։