Ադրբեջանը Հայաստանից ապրանքներ է ներկրել․ մանրամասներ

Ադրբեջանի պետական մաքսային կոմիտեի տվյալներով՝ ընթացիկ տարվա մարտին երկիրն առաջին անգամ ներմուծում է կատարել Հայաստանից։

Ադրբեջանի պետական մաքսային կոմիտեն հրապարակել է առաջին եռամսյակի երկկողմ առևտրաշրջանառության վիճակագրությունը։ Համաձայն պաշտոնական տվյալների՝ մարտ ամսին Ադրբեջանը Հայաստանից առաջին անգամ ապրանքներ է ներկրել, որոնց ընդհանուր արժեքը կազմել է 960 ԱՄՆ դոլար։

Զեկույցում նաև նշված են Ադրբեջանից Հայաստան իրականացված արտահանման ծավալները։ Տարվա առաջին երեք ամիսների ընթացքում Ադրբեջանից Հայաստան է արտահանվել 5 միլիոն 757 հազար դոլարի արտադրանք, որից միայն մարտ ամսվա ցուցանիշը կազմել է 1 միլիոն 537 հազար դոլար։