ՏԵՍԱՆՅՈՒԹ. Կադրեր` Բագրատ սրբազանի կեցավայրի խուզարկությունից

Բագրատ Սրբազանի փաստաբանները հակադարձել են Ազգային ժողովում հնչեցված տեղեկատվությանը՝ այն որակելով իրականությանը չհամապատասխանող։

Հովհաննես Խուդոյանն ասուլիսի ժամանակ հայտարարել է, որ Քննչական կոմիտեի նախագահը ներկայացրել է կասկածելի տվյալներ այն մասին, թե գործում առկա է Բագրատ Սրբազանի կողմից գրված փաստաթուղթ։ Ըստ փաստաբանի՝ նման պնդում անելու համար անհրաժեշտ են անհերքելի ապացույցներ, հատկապես՝ դատաձեռագրաբանական փորձաքննության եզրակացություն, որը, սակայն, երբևէ չի կատարվել։

Պաշտպանը նշել է, որ նույնիսկ առանց հատուկ մասնագիտական գիտելիքների տեսանելի է, որ այդ փաստաթուղթը չի համապատասխանում Սրբազանի ձեռագրին։ Բացի այդ, փաստաբանները ցուցադրել են բացառիկ կադրեր, որտեղ երևում է, թե ինչ է հայտնաբերվել Բագրատ Սրբազանի կեցավայրի խուզարկության ժամանակ: