Ռուսական կողմը չի ընդունում նման նախապայմանը․ Պեսկովը՝ ԱՄՆ-ի մասին

Մոսկվան հնարավոր է համարում փոխշահավետ նախագծերի իրականացումը Վաշինգտոնի հետ հարաբերությունների կարգավորման դեպքում։ Այս  մասին հայտարարել է ՌԴ նախագահի մամուլի քարտուղար Դմիտրի Պեսկովը։

«Ամերիկայի Միացյալ Նահանգները Ռուսաստանի հետ տնտեսական փոխգործակցության վերսկսումը շարունակում է ուղղակիորեն կապել ուկրաինական հակամարտության կարգավորման հետ։ Ռուսական կողմը, սակայն, չի ընդունում նման նախապայմանը և այն պարտադիր չի համարում երկկողմ հարաբերությունների վերականգնման տեսանկյունից»,- ասելէ նա։

 Ըստ Կրեմլի ներկայացուցչի՝ չնայած առկա քաղաքական տարակարծություններին, տնտեսական գործակցության ներուժը պահպանվում է։

Միևնույն ժամանակ, պաշտոնական Մոսկվան արձանագրում է, որ ամերիկյան կողմից դեռևս որևէ հստակեցում չկա ռուսական նավթի ու նավթամթերքի վաճառքի թույլտվությունների երկարաձգման հարցում։ Սպիտակ տունն առայժմ պաշտոնական հայտարարությամբ հանդես չի եկել էներգակիրների առևտրին առնչվող սահմանափակումների կամ դրանց վերանայման վերաբերյալ։