Իտալիան դադարեցրեց Իսրայելի հետ ռազմական համագործակցության երկարաձգումը

Մերձավոր Արևելքում ստեղծված իրադրության պատճառով Իտալիան որոշում է կայացրել դադարեցնել Իսրայելի հետ պաշտպանական համաձայնագրի ավտոմատ երկարաձգման գործընթացը։

Իտալիայի վարչապետ Ջորջիա Մելոնին նշել է. «Մենք պետք է շարունակենք աշխատել խաղաղության բանակցություններն առաջ մղելու, իրավիճակը կայունացնելու  և Հորմուզի նեղուցը վերաբացելու ուղղությամբ, որը կարևոր է մեզ համար, ակնհայտորեն, ոչ միայն վառելիքի, այլև պարարտանյութերի համար»։

Իսրայելի և Իտալիայի միջև ռազմական տեխնիկայի ու տեխնոլոգիական հետազոտությունների փոխանակում նախատեսող պաշտպանական համաձայնագիրը ստորագրվել էր 2003 թվականին, իսկ վավերացումն իրականացվել էր երկու տարի անց։ 

Փաստաթուղթը պարբերաբար երկարաձգվել է հնգամյա պարբերականությամբ, և դրա գործողության վերջին ժամկետը պետք է լիներ 2031 թվականին։