Իրանի նախագահը հանդես է եկել հայտարարությամբ

Իրանի նախագահ Մասուդ Փեզեշքիանն իր տելեգրամյան ալիքում տեղեկացրել է, որ Իրանը բանակցելու պատրաստակամություն է հայտնում իրավական նորմերի շրջանակներում։ Ֆրանսիայի նախագահ Էմանուել Մակրոնի հետ հեռախոսազրույցի ժամանակ նա նշել է, որ Իսլամական Հանրապետությունը վեճերի հարթման համար նախապատվությունը տալիս է դիվանագիտական ուղուն։ Փեզեշքիանը հավելել է, որ գործընթացը պետք է ընթանա ազգային հեղինակության ու արժանապատվության պահպանմամբ։

«Իրանի Իսլամական Հանրապետությունը դիվանագիտությունը համարում է վեճերի լուծման առավել նախընտրելի ուղի և, պահպանելով ազգային արժանապատվությունն ու հեղինակությունը, հայտնում է իր պատրաստակամությունը բանակցությունների համար՝ իրավական նորմերի շրջանակներում»,- հայտարարել է Իրանի նախագահ Մասուդ Փեզեշքիանը՝ Ֆրանսիայի նախագահ Էմանուել Մակրոնի հետ հեռախոսազրույցի ընթացքում։