Քաղաքականություն

Բանակցությունների այս փուլում առաջընթաց չունենք. Վենս

Բանակցությունների այս փուլում առաջընթաց չունենք. Վենս
ԱՄՆ փոխնախագահ Վենսը հայտարարել է, որ Իրանի հետ անցկացված բանակցությունները ավարտվել են առանց որևէ համաձայնության։ Նրա խոսքով՝ շուրջ 21 ժամ տևած քննարկումներից հետո ամերիկյան պատվիրակությունը լքել է…

ԱՄՆ փոխնախագահ Վենսը հայտարարել է, որ Իրանի հետ անցկացված բանակցությունները ավարտվել են առանց որևէ համաձայնության։ Նրա խոսքով՝ շուրջ 21 ժամ տևած քննարկումներից հետո ամերիկյան պատվիրակությունը լքել է Պակիստանը, իսկ նախատեսված երկրորդ օրը չի կայացել։

Նա նշել է, որ Վաշինգտոնը ներկայացրել է «ճկուն» առաջարկներ, սակայն իրանական կողմը մերժել է դրանք և հրաժարվել է պարտավորություններ ստանձնել միջուկային ծրագրի վերաբերյալ։ Նա ընդգծել է, որ բանակցությունների այս փուլում առաջընթաց չի արձանագրվել։

«Վատ լուրն այն է, որ մենք չկարողացանք համաձայնության գալ։ Եվ ես կարծում եմ, որ դա ավելի վատ է Իրանի համար, քան ԱՄՆ-ի», - ընդգծել է Վենսը։

Իրանի մայրաքաղաք Թեհրանում, իր հերթին, հայտարարել են, որ ԱՄՆ-ն փորձում է բանակցությունների միջոցով հասնել այն նպատակներին, որոնք չի կարողացել իրականացնել ռազմական ճանապարհով։ Իրանական կողմը նաև մերժել է ուրանի հարստացման և Հորմուզի նեղուցի վերաբերյալ ներկայացված պահանջները։

Միաժամանակ Իրանի իշխանությունները չեն բացառել բանակցությունների շարունակությունը՝ նշելով, որ հանդիպումները կարող են վերսկսվել կիրակի օրը, եթե կողմերը պատրաստ լինեն նոր քննարկումների։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3202) ԱՄՆ (2273) Ռուսաստան (2072) Իրան (1729) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250