Հայտնի է` երբ կսկսվեն Իրան-ԱՄՆ բանակցությունները

Իրանի պատվիրակությունը ԱՄՆ-ի հետ նախատեսվող բանակցություններից առաջ կհանդիպի Պակիստանի վարչապետ Շեհբազ Շարիֆի հետ։ Tasnim գործակալության փոխանցմամբ՝ հանդիպումը կկայանա Իսլամաբադում՝ տեղական ժամանակով ժամը 13։00-ին։ 

Այսօր նախատեսվում են նաև ԱՄՆ-ի և Իրանի պատվիրակությունների բանակցությունները, որոնք կանցկացվեն Պակիստանի միջնորդությամբ։ Իսլամաբադը հույս է հայտնում, որ քննարկումները կարող են նպաստել Մերձավոր Արևելքում կայուն խաղաղության հաստատմանը։

Բանակցությունները կսկսվեն երեկոյան` Երևանի ժամանակով ժամը 16:00-ից հետո:

Ավելի վաղ CNN հեռուստաալիքը հայտնել էր, որ բանակցությունները, ամենայն հավանականությամբ, կընթանան ինչպես ուղիղ ձևաչափով, այնպես էլ միջնորդավորված շփումների միջոցով։ Այս ձևաչափը կարող է հնարավորություն տալ կողմերին պահպանել դիվանագիտական ճկունություն։

Բանակցությունների մանրամասները և օրակարգը պաշտոնապես չեն հրապարակվել, սակայն դրանք դիտարկվում են որպես կարևոր փուլ ԱՄՆ-Իրան հարաբերությունների շրջանակում։