Թուրքիայի հայտարարություններից հետո Թուրքիան դուռ է բացում. Նարեկ Կարապետյան

«Առաջինի լրատվականի» հարցազրուցավար Աննա Դանիելյանի հարցին, թե Ռուսաստանի պաշտոնյաների հայտարարությունները մեր ընտրական օրենսգրքի փոփոխությունների վերաբերյալ կամ Պուտինի հայտարարությունը ռուսամետ ուժերի մասնակցության ցանկության մասին արդյո՞ք արտաքին միջամտություն չէ մեր ներքին գործերին, «Ուժեղ Հայաստան» կուսակցության խորհրդի անդամ Նարեկ Կարապետյանը հակադարձեց հարցով.

«Իսկ դուք, օրինակ, Թուրքիայի պաշտպանության նախարարության հայտարարությունը մեր գլխավոր շտաբի հայտարարությունից հետո, երբ հայ գեներալիտետը հայտարարություն էր տարածել երկրի ներքին հարցերով՝ կառավարության ղեկավարի հրաժարականի հետ կապված, դուք ինչպե՞ս եք գնահատում, միջամտությո՞ւն է մեր ներքին գործերին։ Ինչո՞ւ են Թուրքիայի ռազմական պատասխանատուները խառնվում Հայաստանի գործերի մեջ և ինչո՞ւ են աջակցում։ Կասկածելի չէ՞։ Ո՞ւմ եք հրավիրել, որ դա քննադատել է։ Այսքան ժամանակ ձեր տաղավարում այդ ուղղությամբ քննադատություն եղե՞լ է։ Մենք պետք է դադարեցնենք յուրաքանչյուր կողմի միջամտությունը։ Թե չէ Հայաստանը կդառնա տարածաշրջանային երկրների հետաքրքրությունների հակադրությունների կիզակետ։ Թուրքիայի հայտարարություններից հետո Թուրքիան դուռ է բացում։ Բայց մենք պետք է հասնենք նրան, որ ոչ մի երկիր չմիջամտի Հայաստանի ներքին գործերին»։