Նեթանյահուն ձախողվեց. պատգամավոր

Իսրայելական ընդդիմության առաջնորդ Յաիր Լապիդը քննադատել է երկրի վարչապետ Բենիամին Նեթանյահուին՝ Իրանի հետ հրադադարի համաձայնագիր կնքելու համար։

Նրա խոսքով՝ թեև զինվորականները կատարել են իրենց առջև դրված բոլոր խնդիրները, իսկ հասարակությունը ցուցաբերել է բարձր տոկունություն, Նեթանյահուն կրել է դիվանագիտական և ռազմավարական պարտություն և չի հասել իր սահմանած որևէ նպատակի։

«Մեր ողջ պատմության ընթացքում երբեք նման քաղաքական աղետ չի եղել։ Իսրայելը նույնիսկ սեղանի շուրջ չէր, երբ որոշումներ էին կայացվում մեր ազգային անվտանգության էության վերաբերյալ։ Նեթանյահուն ձախողվեց քաղաքականապես, ձախողվեց ռազմավարական առումով և չկատարեց իր իսկ սահմանած նպատակներից որևէ մեկը։ Մեզ տարիներ կպահանջվեն Նեթանյահուի կողմից հասցված քաղաքական և ռազմավարական վնասը վերականգնելու համար՝ ամբարտավանության, անփութության և ռազմավարական պլանավորման բացակայության պատճառով»։