Անհայտ կորած զինծառայողների ընտանիքները կշարունակեն սոցիալական աջակցություն ստանալ

Ադրբեջանի կողմից 2020 թվականի սեպտեմբերի 27–ին սանձազերծված ռազմական գործողությունների հետևանքով անհայտ կորած զինծառայողների ընտանիքներին սոցիալական աջակցության տրամադրումը կերկարաձգվի մինչև 2026 թվականի հունիս։ Համապատասխան որոշումն ընդունվեց ՀՀ կառավարության մարտի 26-ի նիստում։

Որոշմամբ շահառու են 20 ընտանիք, որոնց համար 2026 թվականի ապրիլ, մայիս և հունիս ամիսների համար ֆինանսական աջակցությունը կազմելու է 18 մլն դրամ։

Աջակցությունը գործում է 2020 թվականի դեկտեմբերի 10-ից։ Յուրաքանչյուր ընտանիքի տրամադրվում է ամսական 300 հազար դրամի չափով աջակցություն։ Աջակցությունը կշարունակվի այնքան ժամանակ, մինչև անհայտ կորած զինծառայողը դատական կարգով «անհայտ բացակայող» ճանաչվի: