Թրամփը կոչով դիմել է Արաբական երկրներին․ ինչ է սպասվում Իրանին

ԱՄՆ նախագահ Դոնալդ Թրամփը կարծում է, որ արաբական պետությունները պետք է միանան Իրանի դեմ ԱՄՆ-ի և Իսրայելի ռազմական գործողությանը։ Նա այդ մասին ասել է C14 հեռուստաալիքին տված հարցազրույցում։

«Որպեսզի Հորմուզի նեղուցը բաց մնա, պատասխանը՝ այո, նրանք պետք է միանան», - հեռուստաալիքը մեջբերել է ամերիկացի առաջնորդի խոսքերը արաբական երկրների մասին։

 ԱՄՆ նախագահի խոսքով՝ այն երկրները, որոնք կախված են Հորմուզի նեղուցով նավթի մատակարարումներից, «պետք է ակտիվորեն մասնակցեն» Իրանի դեմ պայքարին։

Ինշում է հեռուստաալիքը, Սպիտակ տան ղեկավարը չի պատասխանել այն հարցին, թե արդյոք Վաշինգտոնը կարող է ուժային գործողություններ ձեռնարկել շիական «Հեզբոլլահ» կազմակերպության կամ եմենական ապստամբական «Անսար Ալլահ» (հուսիթներ) շարժման դեմ։

«Ես այս պահին չեմ կարող պատասխանել այդ հարցին», - հրատարակությունը մեջբերում է Վաշինգտոնի վարչակազմի ղեկավարի խոսքերը։

Հիշեցնենք՝ փետրվարի 28-ին ԱՄՆ-ն և Իսրայելը ռազմական գործողություն սկսեցին Իրանի դեմ։ Հարվածներ հասցվեցին երկրի խոշոր քաղաքներին, այդ թվում՝ Թեհրանին։ Իսլամական հեղափոխության պահապանների կորպուսը (ԻՀՊԿ՝ Իրանի զինված ուժերի էլիտար ստորաբաժանում) հայտարարեց Իսրայելին հարձակվելու լայնածավալ պատասխան գործողության մասին։ Հարվածներ հասցվեցին նաև Բահրեյնում, Հորդանանում, Իրաքում, Կատարում, Քուվեյթում, ԱՄԷ-ում, Օմանում, Սաուդյան Արաբիայում և Սիրիայում գտնվող ամերիկյան թիրախներին։