Մակրոնը կոչով դիմել է Փեզեշքիանին

Ֆրանսիայի նախագահ Էմանուել Մակրոնը հայտարարել է, որ խոսել է Իրանի նախագահ Մասուդ Փեզեշքիանի հետ, որի ընթացքում կոչ է արել Իրանին դադարեցնել Մերձավոր Արևելքի երկրների վրա հարձակումները։


«Ես հենց նոր խոսեցի Իրանի նախագահ Մասուդ Փեզեշքիանի հետ։ Ես կոչ արեցի նրան անհապաղ դադարեցնել անընդունելի հարձակումները, որոնք Իրանը իրականացնում է տարածաշրջանի երկրների դեմ՝ թե՛ ուղղակիորեն, թե՛ իր միջնորդների միջոցով, այդ թվում՝ Լիբանանում և Իրաքում», - գրել է Մակրոնը իր սոցիալական ցանցերի էջում։

Մակրոնը նաև կոչ է արել հնարավորինս շուտ վերականգնել Հորմուզի նեղուցում նավարկության ազատությունը։