Լավրովը՝ որոշ երկրների Իրանն արագ նվաճելու ծրագրերի մասին

Այն երկրները, որոնք ծրագրում էին մեկ օրում նվաճել Իրանը, սկսեցին հասկանալ, թե որքան են սխալվել: Այս մասին հայտարարել է Ռուսաստանի արտգործնախարար Սերգեյ Լավրովը՝ Քենիայի ԱԳ նախարարի հետ համատեղ մամուլի ասուլիսի ընթացքում։

Լավրովի խոսքով՝ որոշ երկրներ ենթադրում էին, որ մի քանի ժամվա կամ մեկ օրվա ընթացքում կկարողանան ամբողջությամբ հասնել իրենց նպատակին և վերահսկողություն հաստատել Իրանի նկատմամբ։ Նրա գնահատմամբ՝ նման հաշվարկները չեն արդարացել։

Ռուսաստանի ԱԳ նախարարը նշել է, որ այժմ արդեն ակնհայտ է դառնում, թե որքան սխալ էին այդ գնահատականները։ Նա ընդգծել է, որ իրավիճակի զարգացումը ցույց է տալիս նման ծրագրերի անիրատեսական լինելը։

Հայտարարությունը հնչել է Մոսկվայում կայացած մամուլի ասուլիսի ընթացքում, որը Լավրովը անցկացրել է Քենիայի արտաքին գործերի նախարարի հետ հանդիպումից հետո։