Սա լուրջ առաջարկ էր, մեծ զիջում. Արաղչի

Հարստացված ուրանից հրաժարվելը ԱՄՆ-ի հետ Իրանի բանակցած գործարքի տարրերից մեկն էր. CBS News-ին տված հարցազրույցում հայտարարել է Իրանի ԱԳ նախարար Աբաս Արաղչին:

Ըստ Արաղչիի, այդ տարրը վերաբերում էր 60%-ով հարստացված իրանական նյութին։ Նա հայտարարել է, որ Իրանը պատրաստ էր նոսրացնել հարստացված ուրանը՝ նվազեցնելով դրա տոկոսային պարունակությունը:

«Այնպես որ, սա լուրջ առաջարկ էր, մեծ զիջում, որի նպատակն էր ապացուցել, որ Իրանը երբեք չի ձգտել միջուկային զենք ունենալ և երբեք չի ցանկանա ունենալ այն»,- ասել է Իրանի ԱԳ նախարարը:

Միևնույն ժամանակ, ըստ Արաղչիի, այժմ օրակարգում ոչինչ չկա:

«Ամեն ինչ կախված է ապագայից: Եթե երբևէ ապագայում որոշենք բանակցություններ սկսել ԱՄՆ-ի կամ այլ գործընկերների հետ, մենք կարող ենք որոշել, թե ինչ դնել քննարկման սեղանին: Այս պահին ոչինչ չի քննարկվում»,- հավելել է նա: