Ի՜նչ մեծ պատիվ է դա անելը․ մենք ամբողջությամբ ոչնչացնում ենք Իրանը․ Թրամփ

ԱՄՆ նախագահ Դոնալդ Թրամփը գրել է․

«Մենք ամբողջությամբ ոչնչացնում ենք Իրանի ահաբեկչական վարչակարգը՝ ռազմական, տնտեսապես և այլ առումներով, սակայն, եթե կարդաք ձախողված «Նյու Յորք Թայմս»-ը, սխալմամբ կմտածեք, որ մենք չենք հաղթում։

Իրանի ռազմածովային ուժերը վերացել են, նրանց ռազմաօդային ուժերը այլևս գոյություն չունեն, հրթիռները, անօդաչու թռչող սարքերն ու մնացած ամեն ինչ ոչնչացվում են, իսկ նրանց առաջնորդները վերացել են երկրի երեսից։ Մենք ունենք աննախադեպ կրակային հզորություն, անսահմանափակ զինամթերք և առատ ժամանակ։ Դիտեք, թե ինչ է պատահում այս խելագար սրիկաների հետ այսօր։

Նրանք 47 տարի շարունակ սպանել են անմեղ մարդկանց ամբողջ աշխարհում, և հիմա ես՝ որպես Ամերիկայի Միացյալ Նահանգների 47-րդ նախագահ, սպանում եմ նրանց։ Ի՜նչ մեծ պատիվ է դա անելը։ Շնորհակալություն այս հարցի նկատմամբ ձեր ուշադրության համար։ Նախագահ ԴՈՆԱԼԴ Ջ. ԹՐԱՄՓ»,- գրել է  ԱՄՆ նախագահ Դոնալդ Թրամփը։