Այսօր Իրանը շատ ուժգին հարված կստանա. Թրամփը սպառնացել է

«Ջախջախիչ պարտություն կրած Իրանը ներողություն է խնդրել և հանձնվել իր մերձավորարևելյան հարևաններին՝ խոստանալով, որ այլևս չի կրակի նրանց ուղղությամբ»,— Truth Social սոցիալական ցանցում գրել է ԱՄՆ նախագահ Դոնալդ Թրամփը։

«Այս խոստումը տրվել է միայն ԱՄՆ-ի և Իսրայելի անդադար հարձակումների պատճառով։ Նրանք ցանկանում էին զավթել Մերձավոր Արևելքում իշխանությունը և կառավարել այն։ Հազարավոր տարիների ընթացքում առաջին անգամ Իրանը պարտվել է իրեն շրջապատող Մերձավոր Արևելքի երկրներին։ Նրանք ասել են՝ «Շնորհակալություն ձեզ, նախագահ Թրամփ»։ Ես ասացի՝ «Չարժե»։ Իրանն այլևս Մերձավոր Արևելքի «Կռվարարը» չէ, փոխարենը նա Մերձավոր Արևելքի «ՊԱՐՏՎԱԾՆ» է, և այդպիսին կլինի դեռ շատ տասնամյակներ, մինչև չհանձնվի կամ, ինչն ավելի հավանական է, ամբողջությամբ չկործանվի։ Այսօր Իրանը շատ ուժգին հարված կստանա։ Իրանի վատ վարքագծի պատճառով լրջորեն դիտարկվում են այնպիսի շրջանների և մարդկանց խմբերի լիակատար ոչնչացման և անխուսափելի կործանման հնարավորությունները, որոնք մինչ այս պահը չէին դիտարկվում հարվածներ հասցնելու համար», - նշել է Թրամփը։