Լուրերը մեկ տողով. Կրակոցներ Երևանում, Թրամփն ընդունել է Մեսիին ապա աղոթել

Անցած ժամվա լուրերը՝ հակիրճ և բովանդակային:

 • Երևանում՝ Արաբկիր վարչական շրջանում, վաղ առավոտյան կրակոցների հետևանքով կա վիրավոր, իսկ դեպքի վայրում հայտնաբերվել են կրակված պարկուճներ։

 • Իրանի պետական համակարգը ծանր պատերազմի պայմաններում շարունակում է կազմակերպված աշխատել, նշել է իրանագետ Վարդան Ոսկանյանը։

 • Դոնալդ Թրամփը հայտարարել է, որ ԱՄՆ-ը նախ ցանկանում է ավարտել Իրանի դեմ գործողությունները, ապա անդրադառնալ Կուբայի հարցին։

 • Իրանի ԱԳ փոխնախարարի խոսքով՝ Իրանի դեմ ցանկացած հարձակում կհանգեցնի տարածաշրջանում ամերիկյան ռազմակայանների դեմ պատասխան հարվածների։

 • Թուրքիայի Անթալիայում տեղի են ունեցել 4.5 և 3.6 մագնիտուդ ուժգնությամբ երկրաշարժեր, ավերածությունների մասին տվյալներ չկան։

 • ԱՄՆ-ում Ադրբեջանի դեսպանը հայտարարել է, որ իր երկիրը պաշտպանական քայլեր է ձեռնարկում Նախիջևանի ուղղությամբ իրանական ԱԹՍ-ի հարվածից հետո։

 • ԱՄՆ-ը հարվածել է իրանական նավին, որը օգտագործվում էր անօդաչու սարքեր արձակելու համար։

 • Դոնալդ Թրամփը Օվալաձև աշխատասենյակում աղոթք է կազմակերպել։

 • Թրամփը Սպիտակ տանը ընդունել է «Ինտեր Մայամիի» թիմին և առանձին հանդիպում ունեցել Լիոնել Մեսիի հետ։

 • Միջազգային հանրապետական ինստիտուտի հարցման համաձայն՝ Հայաստանի քաղաքացիների մեծ մասը գոհ է Զինված ուժերի աշխատանքից։