Լուրերը մեկ տողով. Իրանի հետ որևէ գործարք չի լինի. անվերապահ կապիտուլյացիա. Թրամպ

Անցած ժամվա լուրերը՝ հակիրճ և բովանդակային.

 • Իսրայելի բանակը հայտարարել է Իրանի ռազմական ենթակառուցվածքների վրա հարվածների 15-րդ ալիքի մասին։ Թեհրանում և Սպահանում թիրախավորվել են իրանական ռեժիմի ենթակառուցվածքներ՝ շարունակվող ռազմական լարվածության ֆոնին։

• Դոնալդ Թրամփը հայտարարել է, որ Իրանի հետ որևէ գործարք չի լինի, եթե այն չկատարի անվերապահ կապիտուլյացիա։ Նրա խոսքով՝ դրանից հետո հնարավոր կլինի աջակցել երկրի վերականգնմանը և տնտեսական զարգացմանը։

• Իրանի ԱԳՆ-ն հայտարարել է, որ ԱՄՆ-ն ու Իսրայելը հարվածներ են հասցրել Թեհրանի դպրոցներից մեկին։ Միաժամանակ հաղորդվում է, որ Իլամ քաղաքը ենթարկվել է զանգվածային ռմբակոծության, իսկ Թեհրանի բնակելի թաղամասում ավիահարվածից կան տուժածներ։

• Իսրայելի ֆինանսների նախարարի որդին թեթև վիրավորվել է Լիբանանի հետ սահմանին տեղի ունեցած մարտերի ժամանակ։ Նա ծառայելիս է եղել Իսրայելի պաշտպանության բանակում։

• ԱՄԷ-ում գտնվող ՀՀ քաղաքացիների համար կազմակերպվել է տեղափոխում դեպի Օմանի Մասկատ քաղաք՝ Հայաստան վերադառնալու նպատակով։ Երեք օրում այնտեղ է տեղափոխվել ընդհանուր առմամբ 190 քաղաքացի, իսկ մյուսների հետ շարունակվում է կապը։

• Դատարան է ուղարկվել Մարտի 1-ի գործով ևս մի քրեական վարույթ՝ նախկին բարձրաստիճան ոստիկանների վերաբերյալ։ Գործը վերաբերում է 2008 թվականի մարտի 1-ի դեպքերի ժամանակ ցուցարարների նստացույցը ուժով ցրելուն։

• Սաստիկ բքի պատճառով Թթուջուր–Նավուր ավտոճանապարհը փակվել է բոլոր տեսակի տրանսպորտային միջոցների համար։ Վարդենյաց լեռնանցքը դժվարանցանելի է կցորդով մեքենաների համար։

• Խոր Վիրապի մոտակայքում հրդեհ է բռնկվել։ Նախնական տվյալներով այրվում է եղեգ, և փրկարարները իրականացնում են հրդեհաշիջման աշխատանքներ։

• Հայաստանի հավաքականի ֆուտբոլիստ Էդուարդ Սպերցյանը երկարաձգել է պայմանագիրը «Կրասնոդարի» հետ։ Նոր պայմանագիրը նախատեսված է մինչև 2029 թվականի հունիս։