Լուրերը մեկ տողով. Իրանի շուրջ սրացում, հայտարարություններ Բաքվից ու Երևանից

Անցած ժամվա լուրերը՝ հակիրճ և բովանդակային

•  Ադրբեջանը հայտարարել է, որ Իրանի հարվածը Նախիջևանի ուղղությամբ անպատասխան չի մնա։ Հարձակման հետևանքով վնասվել է օդանավակայանի տերմինալը և կան վիրավորներ։

•  Թեհրանում շարունակվում են ուժեղ ռմբակոծությունները, քաղաքում արձանագրվել են նոր հարվածներ տարբեր ուղղություններով։

•  Իրանի Կարմիր մահիկի տվյալներով՝ ԱՄՆ-ի և Իսրայելի ավիահարվածները թիրախավորել են երկրի 174 քաղաք՝ ավելի քան հազար զոհերով։

•  Իրանը հայտարարել է, որ վերահսկում է Հորմուզի նեղուցը և կարող է արգելել արևմտյան երկրների նավերի անցումը, ինչի ֆոնին նավերի ապահովագրությունը կտրուկ թանկացել է։

•  ՀՀ կառավարությունը առաջարկում է փոխել էլեկտրամոբիլների հաշվառման կանոնակարգը և գույքահարկի հաշվարկը կապել շարժիչի կայուն հզորության հետ։ Նոր համակարգով շատ դեպքերում վճարները կկրճատվեն։

•  Նիկոլ Փաշինյանը հայտնել է, որ Ռուսաստանի հետ քննարկվում է երկաթուղու կոնցեսիոն կառավարման հարցը և Երևանը փորձում է լուծումներ գտնել մրցակցային խնդիրների շուրջ։

•  Փաշինյանը նշել է, որ Հայաստանը չի ձգտում վատացնել հարաբերությունները Ռուսաստանի հետ և առաջնորդվում է միայն պետական շահերով։

•  Սերգեյ Լավրովը հայտարարել է, որ ՆԱՏՕ-ն աստիճանաբար ներգրավվում է Իրանի դեմ պատերազմում և մեղադրել է արևմտյան երկրներին երկակի ստանդարտների կիրառման մեջ։