Բինիամին Նեթանյահուն հայտարարություն է արել

Իսրայելի վարչապետ Բինիամին Նեթանյահուն հերքել է պնդումները, ըստ որոնց՝ ինքը ԱՄՆ նախագահ Դոնալդ Թրամփին ներքաշել է ռազմական գործողությունների մեջ՝ այդ տեսակետը բնութագրելով որպես անհիմն։

Fox News-ին տված հարցազրույցում Նեթանյահուն արձագանքել է այն կարծիքներին, թե իր գործողությունների հետևանքով Վաշինգտոնը ներգրավվել է հակամարտությունում։ Նրա խոսքով՝ նման գնահատականները «պարզապես աբսուրդ» են։ Վարչապետը նշել է, որ Դոնալդ Թրամփը գործում է՝ առաջնորդվելով այն որոշումներով, որոնք իր կարծիքով համապատասխանում են ԱՄՆ շահերին և ապագա սերունդների անվտանգությանը։

Հիշեցնենք՝ փետրվարի 28-ից ԱՄՆ-ն և Իսրայելը հարվածներ են հասցնում Իրանի տարածքում գտնվող օբյեկտներին, այդ թվում՝ Թեհրանում։ Տարբեր աղբյուրներ հաղորդում են ավերածությունների և խաղաղ բնակիչների շրջանում զոհերի մասին։ Իրանը, իր հերթին, հայտարարում է պատասխան գործողությունների մասին՝ թիրախավորելով Իսրայելի տարածքը, ինչպես նաև Մերձավոր Արևելքում տեղակայված ամերիկյան ռազմական օբյեկտներ։