Հիփոթեքային պորտֆելները կավելանան մայրաքաղաքից հեռու գտնվող մարզերում. Ազատյան

2025-ի վերջի դրությամբ բանկային համակարգի ընդհանուր ակտիվները կազմել են շուրջ 12.8 տրլն դրամ, վարկային ներդրումները՝ 7,9 տրլն դրամ։ Այս մասին, այսօր՝ մամուլի սուլիսի ժամանակ նշեց Հայաստանի բանկերի միության նախագահ Դանիել Ազատյանը։

Անդրադառնալով 7.5 տրլն դրամ վարկային ներդրումներին, Ազատյանը նշեց, որ դրանց մեջ ամենամեծ մասնաբաժինը սպառողական վարկերն են՝ 23,2 տոկոսով։

Վարկերի մեջ ամենամեծ աճը ապահովել է շինարարությունը՝ շուրջ 30 տոկոս։

ՀՀ մարզերում հիփոթեքային վարկերի պորտֆելը 2025 թվականին աճել է մոտ 31%-ով։ Ազատյանի խոսքով` պետք է հաշվի առնել նաև, որ մարզերում հիփոթեքային պորտֆելի մեծ մասը կրկին բաժին է հասնում Երևանին մոտ գտնվող մարզերին։

Նա կանխատեսում է, որ առաջիկա տարիներին հիփոթեքային պորտֆելները կավելանան նաև մայրաքաղաքից ավելի հեռու գտնվող մարզերում, քանի որ մայրաքաղաքում դադարել են գործել հիփոթեքային արտոնությունները նորակառույցներում բնակարան գնելու համար։