Գործընկերությունը կշարունակի խորանալ նոր բովանդակությամբ․ Ալիև

Ադրբեջանի նախագահ Իլհամ Ալիևը շնորհավորական նամակ է հղել Չինաստանի Ժողովրդական Հանրապետության նախագահ Սի Ցզինպինին՝ անդրադառնալով երկկողմ հարաբերություններին։ Այս մասին հայտնում է «ԱՊԱ» լրատվական գործակալությունը։

Մենք ուրախ ենք, որ Ադրբեջանի և Չինաստանի միջև ամուր հիմքերի վրա ձևավորված համապարփակ ռազմավարական գործընկերությունը շարունակում է խորանալ և հարստանալ նոր բովանդակությամբ։

«Անկասկած, մեր քաղաքական երկխոսության ինտենսիվությունն ու փոխըմբռնումը պայմաններ են ստեղծում այս հարաբերությունների ավելի արագ զարգացման և ամրապնդման համար։ Վստահ եմ, որ Ադրբեջանի և Չինաստանի միջև ավանդական բարեկամական հարաբերությունները, մեր արդյունավետ համագործակցությունը կշարունակեն ընդլայնվել մեր համատեղ ջանքերով՝ մեր ժողովուրդների շահերին համապատասխան, և մեր ռազմավարական գործընկերությունն էլ ավելի կամրապնդվի», - ընդգծվում է նամակում։