ԱՆ-ն՝ բուժաշխատողների աշխատավարձի ուշացումների մասին
ՀՀ առողջապահության նախարարությունը պարզաբանել է, որ պոլիկլինիկական օղակի բուժաշխատողները աշխատավարձը ստանում են երկու մասով՝ պետական պատվերով մատուցված ծառայությունների և Առողջության համընդհանուր ապահովագրության շրջանակում իրականացված ծառայությունների դիմաց։
Նշվում է, որ պետական պատվերով տրամադրված բուժծառայությունների համար փոխհատուցումն արդեն իրականացվել է։
Հաշվի առնելով, որ ապահովագրական համակարգի գործարկման առաջին ամիսն է, բուժկենտրոններին լրացուցիչ ժամանակ է տրամադրվել նոր համակարգով փոխհատուցումներ իրականացնելու նպատակով՝ կատարողականներում նոր ներդրված ծառայությունների մուտքագրումներ և ճշգրտումներ կատարելու համար։ Վաղը՝ ֆինանսավորումը կբացվի։
«Շնորհակալ ենք ըմբռնումով մոտեցման համար»,- ասված է հաղորդագրությունում։
