Ամենաուժեղ բանակն էլ կարող է «ծանր» ապտակ ստանալ․ Խամենեին սպառնացել է Թրամփին
Իրանի գերագույն առաջնորդ Այաթոլլա Ալի Խամենեին արձագանքել է ԱՄՆ նախագահ Դոնալդ Թրամփի հայտարարություններին՝ անդրադառնալով ամերիկյան բանակի հզորության մասին գնահատականներին։ Այս մասին հաղորդում է APA-ն։
Իր ելույթում Խամենեին նշել է, որ Թրամփը պարբերաբար շեշտում է ԱՄՆ բանակի ուժը՝ այն անվանելով աշխարհում ամենահզորը։
«Բայց նույնիսկ աշխարհի ամենաուժեղ բանակը երբեմն կարող է այնպիսի ապտակ ստանալ, որից հետո չի կարող բարձրանալ։ Նրանք ամեն անգամ ասում են, որ ռազմանավեր են ուղարկում Իրանի ափեր։ Այո, այդ նավերը շատ վտանգավոր են: Բայց ավելի վտանգավոր է այն զենքը, որը կարող է դրանք ուղարկել ծովի հատակ», - նշել է Խամենեին։
Նա ընդգծել է, որ Թրամփը չի կարող ոչնչացնել Իրանի Իսլամական Հանրապետությունը:
Հավելենք՝ ԱՄՆ նախագահն իր վերջին ելույթներից մեկում բողոքում է իր ժողովրդին, որ արդեն 47 տարի չի կարող ոչնչացնել Իսլամական Հանրապետությունը։
«Դա լավ խոստովանություն է»,- հավելել է Խամենեին։
