Վաշինգտոնը ձգտում է Իրանի հետ խնդիրները լուծել դիվանագիտական ճանապարհով. Ռուբիո

ԱՄՆ պետքարտուղար Մարկո Ռուբիոն հայտարարել է, որ Վաշինգտոնը ձգտում է Իրանի հետ խնդիրները լուծել դիվանագիտական ճանապարհով, սակայն չի շտապում բարձր գնահատել նման համաձայնության հասնելու հավանականությունը։ Նրա խոսքով՝ գործընթացը կարող է բարդ լինել։

Ռուբիոն նշել է, որ ԱՄՆ նախագահը նախապատվությունը տալիս է խաղաղ և պայմանավորվածությունների վրա հիմնված լուծումներին։ Նա ընդգծել է, որ նախագահը պատրաստակամություն է հայտնել հանդիպել և բանակցել ցանկացած կողմի հետ, եթե դա կարող է նպաստել համաձայնության հասնելուն։

Պետքարտուղարի խոսքով՝ տեսականորեն հնարավոր է հասնել պայմանավորվածության, որը կներառի այն հարցերը, որոնք մտահոգություն են առաջացնում ամերիկյան կողմի համար։ Միևնույն ժամանակ նա ընդգծել է, որ Վաշինգտոնը բաց է նման հնարավորության համար, բայց չի ցանկանում գերագնահատել դրա իրագործելիությունը։

Ռուբիոն այս հայտարարությունները արել է Հունգարիայի վարչապետ Վիկտոր Օրբանի հետ համատեղ մամուլի ասուլիսի ընթացքում։