Մանրամասներ՝ Հայաստանի և Ադրբեջանի քաղհասարակության ներկայացուցիչների հանդիպումից
Հայաստանի օկուպացված տարածքների հարցը, իհարկե, բարձրաձայնվել է, և կա երկկողմ փոխըմբռնում, որ այն պետք է կարգավորվի սահմանազատման գործընթացի շրջանակում։ Այս մասին ասուլիսի ընթացքում հայտարարել է «Խաղաղության կամուրջ» նախաձեռնության անդամ Նարեկ Մինասյանը՝ անդրադառնալով Հայաստանում կայացած Հայաստանի և Ադրբեջանի քաղաքացիական հասարակության ներկայացուցիչների հանդիպման քննարկումներին։
«Ասեմ ավելին, առաջիկայում նախատեսվում է նաև երկու երկրների սահմանազատման հանձնաժողովների հանդիպում։ Հաշվի առնելով, որ նախորդն Ադրբեջանի տարածքում էր տեղի ունեցել, ամենայն հավանականությամբ, այս անգամ Հայաստանի տարածքում տեղի կունենա»,- ասել է նա։
Հիշեցնենք՝ 2026 թվականի փետրվարի 13–14-ը Հայաստանում «Խաղաղության կամուրջ» նախաձեռնության շրջանակում կազմակերպվել է երկկողմ կլոր սեղան, որի ընթացքում հանդիպել են Հայաստանի և Ադրբեջանի քաղաքացիական հասարակությունների ներկայացուցիչները։
Ադրբեջանական պատվիրակությունը Հայաստան է ժամանել ցամաքային սահմանի արդեն սահմանազատված և սահմանագծված հատվածով՝ անցնելով համապատասխան բոլոր ընթացակարգերը։
