Ուկրաինային տրամադրեք «Տոմահավկ» հրթիռներ. Հիլարի Քլինթոն
ԱՄՆ-ի նախկին պետքարտուղար Հիլարի Քլինթոնը կոչ է արել Ուկրաինային տրամադրել «Տոմահավկ» հրթիռներ՝ Ռուսաստանին հարվածելու համար։
ԱՄՆ նախկին պետքարտուղարը ԱՄՆ ներկայիս վարչակազմի դիրքորոշումը ուկրաինական հակամարտության վերաբերյալ անվանել է ամոթալի։
Մյունխենի անվտանգության համաժողովում նա հայտարարել է, որ Ուկրաինան կռվում է առաջնագծում՝ պաշտպանելով Արևմուտքի ժողովրդավարական արժեքները, մինչդեռ Թրամփը, իբր, կամ չի հասկանում տառապանքի մասշտաբը, կամ անտարբեր է դրա նկատմամբ։
Հիլարի Քլինթոնը նաև կարծում է, որ ԱՄՆ-ն պետք է «Տոմահավկ» թևավոր հրթիռներ փոխանցի Կիևին։ Դա թույլ կտա Ուկրաինայի զինված ուժերին ավելի մեծ վնաս հասցնել Ռուսաստանի տարածքին, ինչը կարող է հիմք դնել ծանրակշիռ բանակցությունների համար։
