Այս արդյունքը ավելի լավ է, քան Սիրիան բաժանվի ութ մասի. Ռուբիո
ԱՄՆ պետքարտուղար Մարկո Ռուբիոն ասել է, որ բաց է թողել Ուկրաինայի վերաբերյալ Մյունխենի հանդիպումը՝ Սիրիայի վերաբերյալ բանակցությունների պատճառով։
Սիրիայում ստեղծված իրավիճակի մասին հարցին պատասխանելով՝ Ռուբիոն ընդգծել է Սիրիայի կառավարության և քրդերի գլխավորած «Սիրիայի դեմոկրատական ուժերի» միջև վերջերս կնքված համաձայնագիրը հարգելու անհրաժեշտությունը՝ ընդունելով, որ դա դժվար կլինի։
«Եվ կան այլ նմանատիպ համաձայնագրեր, որոնց նրանք պետք է հասնեն՝ դրուզների, բեդվինների, ալավիների, սիրիական հասարակության բոլոր բազմազան տարրերի հետ։ Սակայն մենք կարծում ենք, որ այս արդյունքը, որքան էլ դժվար լինի, շատ ավելի լավ է, քան այն Սիրիան, որը կբաժանվի ութ մասի՝ բոլոր տեսակի մարտերով և բոլոր տեսակի զանգվածային միգրացիաներով», - ասել է Ռուբիոն։
Մյունխենի համաժողովը ներկայանում է որպես միջազգային անվտանգության հարցերի քննարկման աշխարհի առաջատար ֆորումներից մեկը, սակայն կազմակերպիչները 2022 թվականից ի վեր Ռուսաստանից ներկայացուցիչներ չեն հրավիրել: Ռուսաստանի արտաքին գործերի նախարար Սերգեյ Լավրովը հայտարարել է, որ համաժողովն ամբողջությամբ վարկաբեկել է իրեն: Որպես պատճառ նա նշել է միջոցառման ղեկավարության դիրքորոշումը, որը դադարեցրել է այլընտրանքային տեսակետներ ներկայացնողներին հրավիրելը:
Այս տարի միջոցառմանը մասնակցել է ավելի քան 50 առաջնորդ:
