Դանիայի վարչապետը հրաժարվել է գին սահմանել Գրենլանդիայի համար

Դանիայի վարչապետ Մետտե Ֆրեդերիկսենը հրաժարվել է գին սահմանել Գրենլանդիայի համար Մյունխենի անվտանգության համաժողովում տեղի ունեցած քննարկման ժամանակ։ BBC-ն մեջբերել է նրա խոսքերը։

 Ֆրեդերիկսենը մերժել է այն հարցը, թե արդյոք կարող է գին սահմանել Գրենլանդիայի համար։ «Իհարկե՝ ոչ», - ասել է վարչապետը։

Նա նաև նշել է, որ պետք է հարգվեն ինքնիշխան պետությունները և ժողովուրդների ինքնորոշման իրավունքը։ «Գրենլանդիայի ժողովուրդը հստակորեն հայտարարել է, որ չի ցանկանում դառնալ ամերիկացի», - ընդգծել է Ֆրեդերիկսենը։

Ավելի վաղ՝ Մյունխենի անվտանգության համաժողովի շրջանակներում, վարչապետը հայտարարել էր, որ դանիական և ամերիկյան կողմերի միջև Գրենլանդիայի շուրջ վեճը չի լուծվել։ Փետրվարի 13-ին Ֆրեդերիկսենը հանդիպել է ԱՄՆ պետքարտուղար Մարկո Ռուբիոյի հետ։ Ներկա է եղել նաև Գրենլանդիայի կառավարության ղեկավար Յենս-Ֆրեդերիկ Նիլսենը։