Մոսկվայի և Երևանի միջև բանակցություններ են ընթանում. Խանդանյան
ԱԺ «Քաղաքացիական պայմանագիր» խմբակցության պատգամավոր Սարգիս Խանդանյանը ճեպազրույցի ժամանակ անդրադարձել է Հայաստանի երկաթուղու երկու հատվածների վերանորոգման շուրջ Մոսկվայի և Երևանի միջև ընթացող բանակցություններին։
Լրագրողի դիտարկմանը, թե երկաթուղու այն հատվածները, որոնք ռուսական կառավարման ներքո են, և որոնց վերանորոգումն անհրաժեշտ է ընդհանուր ապաշրջափակման համար, արդեն ֆիքսվա՞ծ է, որ անելու է ռուսական կողմը, Սարգիս Խանդանյանը պատասխանել է՝ չի կարող նման հայտարարություն անել կամ հաստատել դա։
«Բանակցություններ են ընթանում, և գիտեք՝ Հայաստանի համար ամենաէականն այն է, որ դա կատարվի արագ, որովհետև մեզ անհրաժեշտ է հնարավորինս շուտ ապաշրջափակել մեր ենթակառուցվածքները հարևանների հետ: Ուստի այդտեղ ժամկետների և դետալների վերաբերյալ, կարծում եմ, պետք է տեսնենք, ստանանք ռուսական կողմի պատկերացումները և դրանից հետո որոշում կայացնենք։
Թե որ փուլում են բանակցությունները, ես չեմ կարող ասել»,- ասել է նա։
