Թորոսյանը՝ ժամանակին նույնականացման քարտեր ձեռք չբերելու հետևանքների մասին

2024 թվականի դեկտեմբերի 4-ին Աշխատանքային օրենսգրքում կատարված փոփոխությունների հիման վրա, որոշվել է, որ  2026 թվականի հունվարի 1-ից աշխատանքային պայմանագրերի կնքումը, դադարումը և փոփոխումը իրականացվելու է բացառապես թվային համակարգով։ Այս մասին Ազգային ժողովում արտահերթ նիստի ժամանակ ասել է Աշխատանքի և սոցիալական հարցերի նախարար Արսեն Թորոսյանը։

«Շատ քաղաքացիներ ժամանակին ձեռք չեն բերել իրենց նույնականացման քարտերը, առանց որի հնարավոր չէ ակտիվացնել էլեկտրոնային ստորագրություն և հիմա մենք բախվում ենք մի իրավիճակի՝ փաստացի մեր որոշ քաղաքացիներ զրկվում են իրենց աշխատանքային իրավունքներն իրացնելուց»,- ասել է Աշխատանքի և սոցիալական հարցերի նախարար Արսեն Թորոսյանը։

Օրենքի նախագծով, մասնավորապես, առաջարկվում է աշխատանքային պայմանագրերի կնքումը, փոփոխումը և լուծումը 2027 թվականի հունվարի 1-ից իրականացնել բացառապես թվային համակարգով:

Ազգային ժողովը քվեարկությամբ առաջին ընթերցմամբ ընդունել է քննարկված օրենքի նախագիծը:

Մանրամասները՝ տեսանյութում։