Հայաստանն ու Իրանը բանակցում են Ռազմավարական փաստաթուղթ ստորագրելու վերաբերյալ. վարչապետ

Հայաստանն ու Իրանը բանակցում են Ռազմավարական համագործակցության փաստաթուղթ ստորագրելու վերաբերյալ, լրագրողների հետ զրույցում ասել է Նիկոլ Փաշինյանը։

«Մենք քննարկումներ ունենք և բանակցում ենք հնարավոր համաձայնագիրը։ Երբ որ համաձայնագրի շուրջ բանակցությունները հաջողությամբ կավարտվեն, բնականաբար, դրանից հետո պետք է ստորագրվի»,-ասել է Փաշինյանը։

Վարչապետը հայտնեց, որ համաձայնագրի ստորագրման համար հստակ ժամկետ դեռ չկա։