Ես չեմ համոզում Եվրոպային, որ հրաժարվի ԱՄՆ գործընկերությունից. Մերց

Գերմանիայի կանցլեր Ֆրիդրիխ Մերցը կոչ արեց ԵՄ երկրներին չհրաժարվել ԱՄՆ-ի հետ գործընկերությունից, չնայած նրանց հարաբերություններում առաջացած տարաձայնություններին։

«Եվրոպայի և Միացյալ Նահանգների միջև բացվել է անջրպետ, խորը անցք», - ասաց Մերցը՝ ելույթ ունենալով Գերմանիայում անցկացվող Մյունխենի 62-րդ անվտանգության համաժողովում։

Նրա խոսքով՝ ԱՄՆ փոխնախագահ Ջ.Դ. Վենսը «շատ բացահայտ հայտարարել է» այս մասին անցյալ տարվա Մյունխենի անվտանգության համաժողովում։

Չնայած դրան, Մերցը համոզված է, որ Եվրամիությունը չպետք է հրաժարվի ԱՄՆ-ի հետ գործընկերությունից, և որ նրանց միջև հարաբերությունները պետք է վերակարգավորվեն։

«Ես չեմ համոզվում Եվրոպային ուղղված չափազանց ռեֆլեքսիվ կոչերով՝ հրաժարվել Միացյալ Նահանգներից որպես գործընկեր... Նման կոչերը պարզապես անտեսում են Եվրոպայի դաժան աշխարհաքաղաքական իրականությունը և թերագնահատում են այն ներուժը, որը, չնայած բոլոր դժվարություններին, դեռևս ունի մեր գործընկերությունը Միացյալ Նահանգների հետ», - ասաց Մերցը։