ԵՄ պատժամիջոցները կարող են վնասել «Միջին միջանցքին». Վրաստանի ԱԳՆ
«Կուլևի նավահանգստի դեմ Եվրամիության (ԵՄ) պատժամիջոցները կարող են վնասել «Միջին միջանցքին»»։
Ըստ տեղական APA բյուրոյի՝ Վրաստանի փոխարտգործնախարար Գիորգի Զուրաբաշվիլին այս մասին հայտարարել է ԵՄ դեսպան Պավել Գերչինսկու հետ հանդիպման ժամանակ։
Ըստ Գիորգի Զուրաբաշվիլիի՝ Թբիլիսին հույս ունի, որ Կուլևի նավահանգիստը, որը Միջին միջանցքի անբաժանելի մասն է կազմում, չի ներառվի Ռուսաստանի դեմ ԵՄ 20-րդ պատժամիջոցների փաթեթում։ Նա հայտարարել է, որ Վրաստանը պահպանում է Ռուսաստանի դեմ ԵՄ բոլոր պատժամիջոցները և կանխում դրանք շրջանցելու ցանկացած փորձ։
Զուրաբաշվիլին հավելել է, որ մինչ օրս ԵՄ մարմիններից որևէ հարց կամ մեկնաբանություն չի ստացվել Կուլևի նավահանգստի գործունեության վերաբերյալ։
Հիշեցնենք, որ ԵՄ-ն առաջարկել է պատժամիջոցներ կիրառել Վրաստանի Կուլևի և Ինդոնեզիայի Քարիմուն նավահանգիստների նկատմամբ՝ ռուսական նավթով գործողությունների համար։ Եթե առաջարկը հաստատվի, եվրոպական ընկերությունները կենթարկվեն պատժամիջոցների։
