Թուրքիայի խորհրդարանում պատգամավորների միջև ծեծկռտուք է տեղի ունցել
Թուրքիայի խորհրդարանում կռիվ է բռնկվել, այն բանից հետո, երբ իշխող կուսակցության և ընդդիմության պատգամավորները բախվել են Արդարադատության նախարարությունում վիճահարույց անձի նշանակման շուրջ՝ կաբինետի վերադասավորման շրջանակներում։
Ընդդիմադիր պատգամավորները փորձել են խոչընդոտել Ստամբուլի գլխավոր դատախազ Ակին Գուրլեքին, որին նախագահ Ռեջեփ Թայիփ Էրդողանը նշանակել էր դատական բարձրագույն պաշտոնում, խորհրդարանում երդում տալուց։ Կրքերը բորբոքվելուն պես, պատգամավորները միմյանց հրել են, իսկ որոշները՝ հարվածել:
Որպես Ստամբուլի գլխավոր դատախազ՝ Գուրլեքը նախագահել է գլխավոր ընդդիմադիր կուսակցության՝ Հանրապետական ժողովրդական կուսակցության կամ CHP-ի մի քանի անդամների դեմ բարձր մակարդակի դատավարություններ, որոնք ընդդիմությունը վաղուց դատապարտել է որպես քաղաքական դրդապատճառներով լի։
Նախկին դատախազին հետագայում տեսել են երդում տալիս՝ շրջապատված իշխող կուսակցության պատգամավորներով։
