20։00 Լուրերը մեկ տողով. Քամին կուժգնանա, երթուղայինի վարորդը ձերբակալվել է

Անցած ժամվա լուրերը՝ հակիրճ և բովանդակային. 

• Օգոստոսի 18-20-ին հանրապետության առանձին շրջաններում սպասվում են կարճատև անձրև և ամպրոպ, իսկ 21-22-ին՝ առանց տեղումների եղանակ, մի շարք մարզերում երեկոյան ժամերին քամին կուժգնանա։

• Էջմիածին-Երևան երթուղայինի վարորդի, կարգավարի և ուղևորի միջև տեղի ունեցած ծեծկռտուքից հետո վարորդն ու կարգավարը ձերբակալվել են, իսկ ոստիկանությունը որոնում է ուղևորին։

• 2026 թվականին թվային գործիքների և ԱԹՍ-ների կիրառմամբ հայտնաբերվել է ապօրինի ընդերքօգտագործման ու արդյունահանման ծավալները թաքցնելու 81 դեպք՝ շուրջ 3,88 մլն խմ ընդհանուր ծավալով։

• Իրաքյան Քրդստանի վարչապետ Մասուր Բարզանին հայտնել է, որ իրանական հարվածային ԱԹՍ-ները թիրախավորել են Էրբիլում իր գրասենյակն ու անվտանգության գործակալության նստավայրը՝ առանց տուժածների և լուրջ վնասների։

• ԱՄՆ ռազմական գերատեսչությունը Raytheon-ի հետ 22,9 մլրդ դոլարի պայմանագիր է կնքել՝ Tomahawk հրթիռների տարեկան արտադրությունը ներկայիս 60-ից ավելի քան 1000 միավորի հասցնելու նպատակով։

• Դոնալդ Թրամփը հայտարարել է, որ դեռ չի որոշել՝ ում կաջակցի Իսրայելի առաջիկա ընտրություններում՝ միաժամանակ նշելով ՀԱՄԱՍ-ի զինաթափման հարցում առաջընթացի մասին։

• Մեծ Բրիտանիայի վարչապետ Էնդի Բերնեմը հաղորդագրություններ է փոխանակել Սյուզի Ուայլս ներկայացած խաբեբայի հետ՝ դադարեցնելով շփումը կասկածներ առաջանալուց հետո։