18։00 Լուրերը մեկ տողով. Պապիկյանի նոր հրամանը, ՊՆ-ի կադրային փոփոխությունները, դպրոցների շուրջ թեժ բանավեճ

Անցած ժամվա լուրերը՝ հակիրճ և բովանդակային. 

• Պաշտպանության նախարարությունը համակարգային պայքար է իրականացնում բանակում քրեական ենթամշակույթի դեմ՝ զորամասեր գործուղելով հատուկ ձևավորված սպայական խմբեր։

• Պաշտպանության նախարարի երեք խորհրդականներ ազատվել են պաշտոններից, իսկ Ռազմական ոստիկանությունը նոր ղեկավար ունի։

• Շարունակվում է Ղարաբաղից տեղահանված առանձին ընտանիքների բնակվարձի մասնակի փոխհատուցման ծրագիրը՝ յուրաքանչյուր անդամի համար ամսական 40 հազար դրամ աջակցությամբ։

• Իշխող խմբակցության պատգամավորը հակադարձել է դպրոցների օպտիմալացման վերաբերյալ քննադատություններին՝ ընդգծելով կրթության ֆինանսավորման աճն ու հարյուրավոր հաստատությունների շինարարությունը։

• Ռուսաստանը կոշտ արձագանքել է Կուրիլյան կղզիներ Պուտինի այցի վերաբերյալ Ճապոնիայի հայտարարություններին և Մոսկվայում Ճապոնիայի դեսպանին կանչել ԱԳՆ։

• Իրանի ռազմական ղեկավարության ներկայացուցիչը հայտարարել է, որ Իսրայելը Իրանի դեմ ինքնուրույն պատերազմելու հնարավորություն չունի և գործում է ԱՄՆ-ի ու Արևմուտքի աջակցությամբ։