Լավրովը լիարժեք ռազմական պատասխան է խոստացել Եվրոպայի հարձակման դեպքում

Եթե Եվրոպան սկսի հարձակում Ռուսաստանի դեմ, կստանա «լիարժեք ռազմական պատասխան»։ Այս մասին ՆՏՎ հեռուստաալիքին տված հարցազրույցում հայտարարել է Ռուսաստանի արտաքին գործերի նախարար Սերգեյ Լավրովը։

Նա ընդգծել է, որ Ռուսաստանը իրականացնում է հատուկ ռազմական գործողություն Ուկրաինայում և «ոչ մի Եվրոպայի վրա» հարձակվելու մտադրություն չունի։

«Եթե հանկարծ Եվրոպան իր՝ մեր դեմ պատերազմի պատրաստվելու մասին հնչեցրած սպառնալիքները կյանքի կոչի և սկսի հարձակվել Ռուսաստանի Դաշնության վրա, ապա, ինչպես ասել է [նախագահ Վլադիմիր Պուտինը], դա մեր կողմից այլևս հատուկ ռազմական գործողություն չի լինի։ Դա կլինի լիարժեք ռազմական պատասխան՝ մեր տրամադրության տակ եղած բոլոր միջոցներով՝ համապատասխան դոկտրինալ փաստաթղթերի շրջանակում»,- զգուշացրել է Լավրովը։