Իրանի նախագահը հանդես է եկել հայտարարությամբ
Իրանի նախագահ Մասուդ Փեզեշքիանը Օմանում ամերիկյան կողմի հետ կայացած բանակցություններից հետո հետևյալ գրառում է արել։
«Տարածաշրջանի բարեկամ կառավարությունների աջակցությամբ անցկացված իրանա-ամերիկյան բանակցությունները մեկ քայլ առաջ էին: Երկխոսությունը միշտ եղել է խաղաղ կարգավորման մեր ռազմավարությունը։
Միջուկային հարցերում մեր տրամաբանությունը հիմնված է միջուկային զենքի չտարածման մասին պայմանագրում ամրագրված իրավունքների վրա։ Իրանի ժողովուրդը միշտ հարգանքով է պատասխանել հարգանքին, բայց նա չի հանդուրժի ուժի կիրառումը»,- գրել է Իրանի նախագահ Մասուդ Փեզեշքիան։
