Ինձ մոտ ժամանակ չկա ոչ սուրճի, ոչ բլոգների համար. Զելենսկի
Ուկրաինայի նախագահ Վլադիմիր Զելենսկին կոշտ հայտարարություններ է արել երկրի իրավիճակի, մոբիլիզացիայի և հակաօդային պաշտպանության խնդիրների վերաբերյալ:
Զելենսկին հայտարարել է, որ ներկայիս պայմաններում չունի ժամանակ «ոչ սուրճի, ոչ էլ բլոգների համար»՝ ընդգծելով, որ առաջիկայում կարող են լուրջ խնդիրներ առաջանալ էլեկտրամատակարարման հետ կապված։
«Պարզապես լույս չի լինի»,- նշել է նա։
Զելենսկին անդրադարձել է նաև մոբիլիզացիայի թեմային՝ հերքելով Ուկրաինայում «ստրկության» գոյության մասին պնդումները։ Նրա խոսքով՝ այն քաղաքացիները, որոնք տարիքային սահմանափակումների պատճառով չեն ենթարկվում զորակոչի, ունեն երկիրը լքելու իրավունք։
Նախագահը շեշտել է, որ քաղաքացիներին հայրենիք վերադարձնել հնարավոր չէ կոչերով․ դա կարելի է անել միայն արժանապատիվ կենսապայմաններ ստեղծելով և երկրի ապագայի հանդեպ վստահություն ձևավորելով։
«Մարդիկ վերադառնում են, երբ տեսնում են հեռանկար»,- ասել է նա։
