Հայտնի է Վենսի այցերի ժամանակացույցը Երևան և Բաքու
ԱՄՆ փոխնախագահ Ջեյ Դի Վենսի մամուլի քարտուղարը ներկայացրել է նրա առաջիկա այցերի ժամանակացույցը Հայաստան և Ադրբեջան։
ԱՄՆ փոխնախագահ Ջեյ Դի Վենսը փետրվարի 9–10-ը կայցելի Հայաստան, իսկ փետրվարի 10–11-ը կգտնվի Ադրբեջանում։ Այդ մասին Վաշինգտոնում «Ազատություն» ռադիոկայանի թղթակցին հայտնել է փոխնախագահի մամուլի քարտուղարը։
Նրա խոսքով՝ տարածաշրջանային այցերն ավարտելուց հետո Ջեյ Դի Վենսը չորեքշաբթի երեկոյան կվերադառնա Վաշինգտոն։
Այցերի օրակարգի մանրամասները պաշտոնապես դեռ չեն հրապարակվել, սակայն ակնկալվում է, որ քննարկումները կվերաբերեն տարածաշրջանային քաղաքական և անվտանգության հարցերին։
