Մեկ սխալ, 620 հազար բիթքոյն. Bithumb-ի «նվիրատվությունը»
Հարավկորեական կրիպտոարժույթների բորսան սխալմամբ 620,000 բիթքոյն է փոխանցել ակցիայի մասնակիցներին։ Սակայն գումարի մեծ մասը հաջողվել է արագ վերադարձնել։
Դեպքը տեղի է ունեցել երեկ երեկոյան: Yonhap լրատվական գործակալության փոխանցմամբ՝ պարգևատրման հաշվարկներում տեխնիկական սխալի պատճառով 249 օգտատեր ստացել է միջինը 2,500 բիթքոյն:
Սխալը հայտնաբերելուց հետո բորսան ժամանակավորապես կասեցրել է հաշիվների գործարքները և սկսել է գումարի վերադարձը։ Ընկերության տվյալներով՝ վերադարձվել է 618,212 բիթքոյն, ինչպես նաև օգտատերերի կողմից արդեն վաճառված մետաղադրամների 93%-ը։ Մոտավորապես 125 բիթքոյն մնացել է չվերադարձված։
Բորսան հայտնել է, որ միջադեպը տեղի է ունեցել մարդու սխալի պատճառով. աշխատակիցը նշել է վճարումը բիթքոյնով՝ կորեական վոնի փոխարեն։շ
Հարավային Կորեայի ֆինանսական կարգավորողը հետաքննություն է սկսել միջադեպի վերաբերյալ և կգնահատի բորսայի ջանքերը՝ օգտատերերին պաշտպանելու և սխալմամբ փոխանցված գումարները լիովին վերադարձնելու համար։
Մեկ բիթքոյն գինը ներկայումս կազմում է մոտ 67.7 հազար դոլար։
