Իրանում հասունանում է հակակառավարական բողոքի ցույցերի երկրորդ ալիքը. WSJ

The Wall Street Journal-ի փոխանցմամբ՝ Իրանում աճում է հասարակական դժգոհությունը, որը կարող է վերաճել հակակառավարական բողոքի ցույցերի երկրորդ ալիքի։ Նշվում է, որ նոր ցույցերն ու երթերը պայմանավորված են առաջին բողոքի ալիքի կոշտ ճնշմամբ և հազարավոր մարդկանց մահվան վերաբերյալ տվյալներով։

Պարբերականի տվյալներով՝ բազմաթիվ իրանցիներ, չնայած հնարավոր ռիսկերին, բացահայտ արտահայտում են իրենց դժգոհությունը գործող իշխանություններից։ Մասնավորապես նշվում է, որ զոհվածների հուղարկավորությունների և հոգեհացի ընթացքում սգացող հարազատները հակակառավարական կարգախոսներ են հնչեցնում։

Բացի այդ, դպրոցականները հրաժարվում են երգել հայրենասիրական երգեր, իսկ բուժաշխատողները հրապարակավ դատապարտում են այն բժիշկների և բուժքույրերի ձերբակալությունները, որոնք օգնություն են ցուցաբերել բողոքի ցույցերի ընթացքում տուժածներին։ Միևնույն ժամանակ, տեղական ակտիվիստների որոշ խմբեր արդեն բացահայտ կոչեր են հնչեցնում Իրանի գերագույն առաջնորդ, այաթոլլա Ալի Խամենեիի իշխանության տապալման օգտին։