Թրամփը հայտարարել է Սի Ցզինպինի՝ Սպիտակ տուն այցի մասին
ԱՄՆ նախագահ Դոնալդ Թրամփը հայտարարել է, որ Չինաստանի նախագահ Սի Ցզինպինը նախատեսում է այց կատարել Սպիտակ տուն։ Նրա խոսքով՝ երկու երկրների ղեկավարների հանդիպումը կարող է տեղի ունենալ 2026 թվականի վերջում։ Այս մասին Թրամփը հայտնել է NBC հեռուստաընկերությանը տված հարցազրույցում։
ԱՄՆ նախագահը նաև նշել է, որ վերջերս հեռախոսազրույց է ունեցել Սի Ցզինպինի հետ, որի ընթացքում կողմերը քննարկել են տնտեսության վիճակը և ԱՄՆ–Չինաստան հարաբերությունները։
Ավելի վաղ Truth Social սոցիալական հարթակում Թրամփը գրել էր, որ զրույցի ընթացքում անդրադարձ է կատարվել նաև Ռուսաստանի և Ուկրաինայի միջև հակամարտությանը, Իրանի շուրջ իրավիճակին, ինչպես նաև Չինաստանի կողմից ԱՄՆ-ից նավթի և գազի հնարավոր գնումներին։
