Համաձայնագրի նախագիծ. ինչ կառաջարկվի Իրանին
Կատարի, Թուրքիայի և Եգիպտոսի միջնորդները առաջարկել են Իրանի և ԱՄՆ-ի միջև բանակցությունների շրջանակ, որը նախատեսված է ուրբաթ օրը։ Այս մասին հայտնում է «Ալ Ջազիրա»-ն:
Ծրագրով նախատեսվում է, որ Իրանը դադարեցնի ուրանի հարստացումը երեք տարվա ընթացքում, այնուհետև սահմանափակի դրա մակարդակը 1.5 տոկոսից ցածր և իր հարստացված ուրանի պաշարները փոխանցի երրորդ երկրի։
Առաջարկը ներառում է նաև բալիստիկ հրթիռների օգտագործման սահմանափակումներ, տարածաշրջանային դաշնակիցների համար հրադադար և Թեհրանի ու Վաշինգտոնի միջև հնարավոր չհարձակման համաձայնագիր։
Բանակցությունները, ինչպես սպասվում է, տեղի կունենան Օմանում՝ ԱՄՆ դեսպան Սթիվ Վիտկոֆի և Իրանի արտաքին գործերի նախարար Աբբաս Արաղչիի մասնակցությամբ։
