Ռուսական զորքերն օգնել են հետ մղել ահաբեկիչների հարձակումը Նիգերի մայրաքաղաքի օդանավակայանի վրա
Ռուսաստանի արտաքին գործերի նախարարության մամուլի ծառայության հաղորդմամբ՝ Նիգերի մայրաքաղաք Նիամեյի օդանավակայանի և դրա հարևանությամբ գտնվող Նիգերի ռազմաօդային ուժերի բազայի վրա իրականացված զինված հարձակումը հաջողությամբ կանխվել է։
Տեղեկատվության համաձայն՝ հարձակումը հետ է մղվել Ռուսաստանի պաշտպանության նախարարության Աֆրիկյան կորպուսի և Նիգերի զինված ուժերի համատեղ ջանքերով։ Գործողության ընթացքում չեզոքացվել է մոտ 20 զինյալ, ինչպես նաև առգրավվել է նրանց պատկանող գույք և զինամթերք։
ՌԴ ԱԳՆ-ի տվյալներով՝ հարձակմանը մասնակցել է շուրջ 40 զինյալ։ Պատասխանատվությունը ստանձնել է «Իսլամական պետություն» ահաբեկչական խմբավորումը, որը արգելված է Ռուսաստանի տարածքում։
Դեպքի մանրամասները և հնարավոր հետևանքները ներկայումս ճշտվում են։ Նիգերի իշխանությունները և ռուսական կողմը ընդգծում են, որ համագործակցությունը շարունակվելու է երկրի անվտանգության ապահովման և ահաբեկչական սպառնալիքների չեզոքացման ուղղությամբ։
