ԱՄՆ-ն ընդլայնում է Tomahawk հրթիռների արդիականացման ծրագիրը
Ըստ Army Recognition-ի՝ ԱՄՆ ռազմածովային ուժերը Raytheon ընկերության հետ կնքել են 380,8 միլիոն դոլարի պայմանագիր՝ Tomahawk թևավոր հրթիռների արդիականացման ծրագիրն ընդլայնելու նպատակով։
Մինչև 2029 թվականի ապրիլը նախատեսված աշխատանքները ներառում են.
հրթիռների վերահավաստագրում և տեխնիկական թարմացում,
անհրաժեշտ պահեստամասերի և մասնագիտացված սարքավորումների մատակարարում,
համակարգերի անխափան շահագործման ապահովում։
Ծրագիրը նախատեսում է նաև փոխարինելի բաղադրիչների կիրառում, ինչը հնարավորություն կտա սեղմ ժամկետներում վերականգնել հրթիռների մարտունակությունը։
